Петмина Чеси исчезнаа во Либан

Петмина Чеси и нивниот возач, либански државјанин, вчера исчезнаа во источниот дел на Либан, соопшти денеска чешкото Министертсво за надворешни работи.
Како што јави дописникот на МИА од Прага, исчезнатите Чеси се на возраст од 25 до 47 години.
Либанските медиуми објавија дека возилото со кое патувале Чесите било пронајдено вчера на 300 метри од една полициска станица во популарното туристичко место Кефраја во западниот дел на долината Бека, во близина на границата со Сирија.
Во возилото либанската полиција пронашла фотографски апарати, одредена сума пари, како и пасошите на Чесите.
Портпаролката на чешкото Министерство за надворешни работи, Михаела Лагронова изјави дека од локалните безбедносни сили добиле информација оти „во напуштен автомобил во долината Бека биле најдени пет чешки пасоши, вредносни предмети и кредитни картички“.
Според Лагронова, идентитетот на исчезнатите не е познат.
За исчезнувањето алармирал таткото на либанскиот возач, кој во полицијата пријавил дека во текот на ноќта неговиот синот не дошол дома.
Извор од либанската Армија соопшти дека постои стравување оти Чесите се киднапирани. - Спроведуваме претерси по локалните хотели и по други места во тоа подрчје, дополни истиот извор.
Киднапирањата се ретка појава во Либан по завршувањето на граѓанската војна во 1990 година. Последен случај на киднапирање во земјата е регистриран во 2011 година, кога група вооружени лица во долината Бека како заложници задржаа седуммина велосипедисти од Естонија, кој беа ослободени по четири месеци по наводна исплата на откуп.
Мотивите за ова киднапирање никогаш не беа до крај разјаснети, иако се твирдече дека киднаперите и припаѓале на терористичката мрежа Ал Каеда.
Долината Бека е позната по беззаконие, шверц со дрога и повремени престрелки меѓу локаланите кланови.
Ново на Сител
-

Хаџи Василева останува предметен обвинител во случајот со судијата Ристов - најавува и поактивно обвинителство
-

Тема на денот со Искра Хаџи Василева, шефица на ОЈО ГОКК
-

Девет полицајци кривично ќе одговараат за непостапување за смртта на Росица Коцева од Велес
-

На новороденче на Гинекологија му отсекле дел од прст при вадење на инфузија
-

Осум месеци затвор за палењето на дипломатските возила
-

Раководител на технолошка компанија во Грција бил мета на терористичката ќелија
-

Нови меѓусебни обвинувања за Алта Банка
-

„Избриши го видеото или сите ќе умреме уште вечерва“ - Бугарскиот јутјубер Цанов објави нови пораки од Михаилова
