Балкан
19. March 2022 - 14:12

Петков: Нема да испратиме воена помош за Украина

Бугарскиот премиер Кирил Петков ја отфрли можноста Софија да испрати воена помош за Киев, но рече дека неговата земја, членка на НАТО, продолжува да дава хуманитарна помош за Украина.

„Со оглед на тоа што сме толку блиску до конфликтот, во моментот морам да кажам дека не можеме да испратиме воена помош за Украина. Тоа нема да биде можно“, изјави денеска Петков на прес-конференција во друштво на американскиот секретар за одбрана, Лојд Остин.

Бугарија, која не граничи со Украина, досега прими илјадници бегалци, а исто така се согласи да биде домаќин на нов контингент војници на НАТО како дел од напорите на Северноатлантската алијанса за зајакнување на источниот крак.