Пентагон ја поздрави репатриjацијата на седумте македонски борци во ИСИС
Пентагон ја поздрави одлуката на Македонија да ја прифати групата нејзини државјани, кои како странски платеници се заробени во Сирија. МВР вчера соопшти во заедничка акција со Командата на Глобалната антитерористичка коалиција и Сириските Демократски Сили приведе седуммина македонски државјани, кои се бореле на боиштата во Сирија и Ирак.
Портпаролот на Пентагон, Шон Робертсон, за Си-Ен-Ен изјави дека Сириските Демократски Сили до јули имаат заробено 600 странски платеници од повеќе од 40 земји. Меѓу нив, според овој американски морнарички командир, имало околу 40 платеници од Русија, 10 од Германија и помал број од Франција. Не е прецизирано дали меѓу нив освен седуммината има и други македонски државјани.
Репатрираните борци биле уапсени од единици од Сириските демократски сили.
Портпаролот Ерик Пахон, пак, за „Вашингтон тајмс“ изјави дека, Македонија покажа пример за сите членови на Глобалната коалиција како да се порази ИСИС и нагласи дека странските терористички борци не се само проблем за Сирија или за регионот, туку, како што објасни, тие се глобален проблем што бара глобална соработка.
Станува збор за македонските државјани С.Р. 1990, Џ.А. 1993, Б.Ф. 1994, О.Ж. 1987, Е.О 1994, И.Ш. 1977, А.М. 1995, за кои е распишана меѓународна потерница и за кои според член 322а и 394а од Кривичниот законик на Република Македонија се поднесени кривични пријави во рамки на полициските акции „Ќелија 1“ (август 2015) и „Ќелија 2“ (јули 2016), соопшти МВР.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“