Пентагон дозволи трансродни лица да служат војска

Пентагон ќе дозволи трансродни лица да служат во американската војска, со што ќе биде укината една од последните забрани за служење во оружените сили на САД, соопшти денеска американскиот министер за одбрана Ештон Картер.

Тој оцени дека тоа е вистинската одлука и оти само нечии квалификации треба да бидат важни, а не да постојат други бариери во службата кои немаат врска со тоа.

Објавата доаѓа и покрај загриженоста на високи воени команданти дека Министерството за одбрана оди премногу брзо со промените и дека е потребно повеќе време за тие да се спроведат.

Најновите промени ќе бидат извршени за нешто подолго од една година, но до 1 октомври трансродните лица би требало да почнат формално да ги менуваат своите идентификации на полот во персоналниот систем на Пентагон и да добиваат медицинска нега.