Пендаровски, Вучиќ и Пахор на Регионалниот младински форум во Нови Сад
Претседателот Стево Пендаровски ја продолжи официјалната посета на Србија, со престој во Нови Сад каде учествуваше на 4. Регионален младински форум.
Како што јави дописникот на МИА, тој се обрати на претседателскиот панел „Обраќање на младите пред претставниците на власта: Презентирање на политичкиот дијалог пред милениумците“, заедно со претседателите на Србија и на Словенија, Александар Вучиќ и Борут Пахор.
– Потребно е менување на менталниот склоп во регионот. Наместо да чекаме пораки од Брисел и големите центри, да ја донесеме ЕУ во регионот со реформи и економски развој, за младите да останат дома, изјави на панелот Пендаровски, кој упати порака „на младите да им се овозможи првата шанса за работа да ја добијат дома, за што е и реализацијата на иницијативата за т.н. Мал Шенген.“
Српскиот претседател ги посочи бројките на иселување на младите во целиот регион кои се алармантни.
– За да ги задржиме младите треба да им се понуди перспектива, со добра политика и раст на економијата со високи плати, изјави Вучиќ, кој исто така посочи дека во таа насока е и иницијативата „Мал Шенген“.
Тој првпат најави и воведување на „трајни дозволи за работа“ во земјите членки на иницијатива Мал Шенген.
На маргините на Форумот, претседателот Пендаровски имаше и билатерална средба со неговиот словенечки колега Пахор.
На средбата беше оценето дека двете земји имаат одлични односи кои се карактеризираат со пријателство и меѓусебно разбирање, а беа разменети и мислења за можностите за понатамошно унапредување и збогатување на соработката во повеќе области од взаемен интерес.
За Македонија не постои друга алтернатива, освен европската интеграција, посочи претседателот Пендаровски. Тој се заблагодари за отворената и конструктивна поддршка од Словенија за аспирациите на нашата земја за членство во ЕУ и во НАТО, којашто беше потврдена со ратификацијата на Протоколот за членство на земјава во Алијансата од страна на словенечкиот Парламент, како и за постојаната поддршка во рамките на Европската Унија.
Пахор на средбата, од своја страна, ги повтори заложбите на Словенија за отпочнување на преговорите на Македонија за членство со Европската Унија. Во таа насока, Пендаровски додаде дека интеграцијата на Македонија, како и на другите земји од Западен Балкан во европските структури ќе биде огромен придонес кон трајна стабилизација на регионот, како и просперитетот на нашите општества.
Ново на Сител
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово
-
Чибишев нов директор на Токсикологија, Меџити на Неврологија, утре нов директор ќе има и Онкологија