Пендаровски – Туск: Граѓаните на Северна Македонија заслужуваат европска иднина
Претседателот на Република Северна Македонија Стево Пендаровски денеска имаше средба со претседателот на Европскиот совет Доналд Туск, на која биле разменети мислења за севкупните состојби во земјата и во регионот, како и за аспирациите на државата за членство во Европската унија.
Пендаровски, како што информираат од неговиот кабинет, истакнал дека Северна Македонија во изминатите две години донесе тешки одлуки за многу чувствителни прашања, вклучувајќи ја Преспанската спогодба со Република Грција и Договорот за пријателство, добрососедство и соработка со Република Бугарија, и дека спровела суштински и темелни реформи во многу клучни области, со што ја потврди својата посветеност на евроинтегративниот процес.
На средбата, Пендаровски изразил, очекување дека Европскиот Совет во октомври ќе ги валоризира напорите на државата и ќе ја верификува десетата препорака на Европската Комисија преку одредување на датум за почеток на пристапните преговори за членство на Северна Македонија во Европската унија.
Почетокот на пристапните преговори, според претседателот Пендаровски, ќе биде силен импулс за натамошно реализирање на суштинските реформи во државата до нејзиното идно членство во унијата, што ќе придонесе за севкупната стабилност и просперитет на државата и на регионот.
Претседателот Пендаровски, на средбата изразил и благодарност на претседателот Туск за неговата јасна и директна поддршка за европската иднина на Северна Македонија.
Ново на Сител
-
Акциска контрола на полицијата во Кавадарци и Неготино, изречени 93 мерки
-
Опаѓа бројот на новозаразени со Ковид-19, но остануваат апелите за почитување на мерките за заштита
-
ВМРО-ДПМНЕ прашува дали функционери на СДСМ преку пари од тендери стекнуваат огромни имоти
-
СДСМ: Субвенции за сончеви колектори, за ПВЦ или алуминиумски прозорци, за печки на пелети
-
Се врати во сила Законот за акцизи, бензините и дизелот поевтини за два денара
-
Албанските граѓани ќе добијат „ковид пасош“ по примената прва доза на анти-ковид вакцината
-
Повеќе од 100 припадници на американската Национална гарда кои ја обезбедуваа инаугурацијата се позитивни на Ковид-19
-
ЕК: Инсистираме на стабилност во испораките на вакцините на АстраЗенека