Пендаровски-Џафери: Претседателот и Собранието ќе соработуваат за реформската агенда
Шефот на државата Стево Пендаровски и претседателот на Собранието на Република Северна Македонија, Талат Џафери на денешната средба го посочиле значењето на Парламентот во реализацијата на реформската агенда и на парламентарната димензија во остварувањето на интересите на државава на меѓународен план.
На средбата, како што соопшти кабинетот на Пендаровски, Џафери му честитал на Пендаровски за стапувањето на функцијата и му посакал успешна работа во следните пет години.
Пендаровски и Џафери размениле мислења за актуелните состојби во Република Северна Македонија. Двајцата соговорници ја истакнале важноста сите релевантни институции во државата во претстојниот период да ги насочат севкупните капацитети кон реализација на следниот важен чекор во европската интеграција на Република Северна Македонија – одредување датум за почеток на пристапните преговори со Европската унија.
На средбата, двајцата соговорници договориле натамошна поблиска координација на двете институции во корист на граѓаните и во интерес на Република Северна Македонија.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата