Пелегрини: Реал е политички клуб

Водењето на Реал Мадрид е еден од најтешките предизвици во светскиот фудбал бидејќи тоа е клуб во кој е вклучена висока политика. 

Пелегрини беше на чело на кралскиот клуб во сезоната 2009/10 кога остана без трофеј во домашното првенство каде триумфираше Барселона. 

Пелегрини сега се враќа на С.Бернабе но како менаџер на Сити во рамките на реваншот од полуфиналето од ЛШ. Првиот меч на Етихад заврши без голови. 

„Тоа не е неможна мисија, чест е да се биде тренер во Мадрид, но морате да знаете  кога доаѓате во Реал дека и политиката има голема улога. Таму има група на луѓе која ќе ви пречи и нема фудбалско знаење. Ако го дозволите тоа значи дека не сте подготвени за тој предизвик. Имав среќа што го минав еден од најтешките тестови и тоа ни малку не ме промени, имам одлични спомени од Реал“- изјави Чилеанецот.