Пекинг планира ограничување на населението до 23 милиони жители во 2020 година

Властите во Пекинг планираат да го ограничат бројот на жителите на градот, па тој да не надминува 23 милиони во 2020 година, пренесува руската агемција ТАСС.

Како што соопшти денеска кинеската агенција Ксинхуа, оваа одлука е донесена поради недостиг на ресурси за обезбедување на потребите на мултимилионското население во овој мегаполис.

- Во текот на следните пет години Пекинг ќе продолжи да преселува луѓе од центарот кон периферијата. Бројот на жителите во централниот дел на градот треба да биде намален за 15 проценти во споредба со оној од 2014 година, изјави градоначалникот на Пекинг Ван Аншун.

Во 2015 година населението на Пекинг достигна 21,7 милиони, а до крајот на 2016 година целта на Владата е таа бројка да не надминува 22 милиони.