Печурка тешка над еден килограм пронајдена во Делчевско
Во делчевскиот регион пронајдена печурка со тежина од над еден килограм и периметар од близу половина метар, што ја прави една од поголемите пронајдени на ова подрачје годинава. Младиот Бојан Ѓорѓиевски е среќникот кој печурката од сортата ,,вргањ”, ја пронашол во атарот на делчевското село Бигла и ова му е првпат да пронајде толку голема печурка.
-Печурката ја пронајдов во атарот на село Бигла, маало Павлевци. Прво мислев дека е нешто друго, но кога се приближив испадна голема печурка. Капата на печурката беше со поголем обем, така што ми требаше поголем напор да ја извадам за да не биде оштетена. Печурката потоа ја оставив за сушење, за да биде продадена по поголема цена, вели Ѓорѓиевски.
Сезоната на печурки е во тек и во наредниот период, како што додава тој, се очекува уште поголем наплив на печурките.
-Јас сум трета година гимназија и уште од мал научив да ги познавам печурките. Тие секогаш никнуваат по дожд, а бидејки изминатата недела речиси секојдневно имаше врнежи, во наредниот период се очекува да има доста печурки. Најчесто собирам ,,вргањ” поради повисоката цена, а се случува да најдам и лисичарка и јајчарка кои се доста застапени во нашиот крај, додава Ѓорѓиевски.
Поради големиот наплив на печурки, се очекува пад на цената на ,,вргањот” кој се движи од 150 до 200 денари за килограм. Доколку има нови врнежи според откупувачите ова ќе биде година со најголем принос на печурки во Делчевско.
Ново на Сител
-
Муцунски ги пречека патниците од Дубаи: Најбитна е безбедноста на граѓаните, до крајот на неделава сите што побарале евакуација треба да бидат во државава
-
Состанок на Г7 за ситуацијата на Блискиот Исток
-
Арагчи: Иранскиот народ, а не Доналд Трамп, ќе го избере новиот врховен лидер на Иран
-
Трамп: Новиот ирански лидер мора да добие одобрение од САД инаку „нема да трае долго“
-
Турција испраќа шест борбени авиони Ф-16 на турскиот дел од Кипар
-
Нападите на Иран врз соседните земји се „огромна стратешка грешка“ - смета генералниот секретар на Арапска лига.
-
Три лица приведени, а две повикани на службен разговор - ги малтретирале сопругите, партнерките, ќерките и снаите
-
Ова е момент кога мора да направиме разлика со опозицијата, работиме на 17 инвестиции и нови 5.000 работни места, вели Мицкоски
