Пецас за собирот на навивачите на Олимпијакос: Се надеваме дека е последен пат што гледаме такво нешто
Треба да нѐ загрижуваат таквите појави, се надеваме дека е последен пат што се случува такво нешто, рече портпаролот на грчката Влада Стелиос Пецас, коментирајќи ја прославата на навивачите на Олимпијакос пред стадионот, каде што беше поставен видео бим и не се почитува мерките за заштита од Ковид-19.
-Тоа не е сликата што сакаме да ја гледаме. Во сите случаи во минатото кога гледавме дека има гужви, ги осудивме таквите појави. Затоа и донесовме мерки за ограничување на таков вид настани, а со последната наша одлука ги забранивме панаѓурите. Тоа не е сликата што сакаме да ја дадеме и ова е едно прашање што треба да нѐ загрижува за иднината. Се надеваме дека е последен пат што се случува ова, рече Пецас на денешниот брифинг со новинарите.
Фудбалскиот клуб Олимпијакос преку победата над АЕК вчера и официјално стана шампион во Грција, а додека натпреварот се одигрa без публика, навивачите се собраа пред стадионот и ја славеа титулата, при тоа, во ниту еден момент, според објавените видеа и фотографии, никој од присутните не ги почитуваше мерките за заштита од Ковид-19, а во делот пред стадионот, каде што беше поставен видео бим, славењето почна пред крајот на натпреварот и кулминираше со пиротехнички материјали.
Идентична беше сликата и низ улиците на Пиреас, каде што фудбалерите од двокатен автобус ги поздравија насобраните навивачи.
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228