Павлопулос: Грција ќе ги исполни сите свои обврски во миграцискиот проблем
Грција во целост ќе ги исполни сите свои обврски поврзани со миграциското прашање, изјави грчкиот претседател Прокопис Павлопулос, кој во Атина се сретна со францускиот министер за внатрешни работи, Бернар Казневв, јави грчката агенција АНА.
- Грција во целост ќе ги исполни своите обврски за прашањето на миграцијата, во духот на европската култура и со почитување на нормите на хуманноста и демократијата, изјави Павлопулос, забележувајќи дека и нејзините европски партнери и Турција треба да ги исполнат своите обврски.
„Ги замолувам нашите партнери да покажат солидарност и хуманизам, според кои треба да се водиме во решавањето на оваа криза. За жал, има партнери, кај кои миграциската криза раѓа фобии, што се неспоиви со концепцијата за единствена Европа“, изјави грчкиот претседател.
- Треба да се бориме со корените на злото, а тоа е војната во Сирија, додаде тој.
Францускиот министер за внатрешни работи изјави дека Грција забележала напредок во процесот на регистрација и идентификација на бегалците и ги призна тешкотиите со кои земјата се судрува во надминување на миграциската криза.
Казнев додаде дека Франција на Грција ќе и ја даде неопходната помош за откривање на фалсификуваните пасоши, што, според него, ќе помогне во надминувањето на терористичките закани.
Ново на Сител
-
Излезноста до 11 часот е 12.78 отсто
-
Платил преку интернет 21 илјада евра за роба која не стигнала, измамен тетовец
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто
-
Излезноста во Струга до 9 часот 2,4 отсто, во Вевчани 5,5 проценти
-
Во Неготино до девет часот гласале 5.83 проценти од гласачите