Патот покрај Дебарското езеро наскоро ќе биде осветлен

Фирмата „Дрита“ од Гостивар е избрана за најповолен понудувач на тендерот за улично осветлување на патот покрај Дебарското езеро.

Раководителот на секторот за урбанизам во општина Дебар, Петрит Пачуку информира дека деновиве фирмата треба да почне со реализација на активностите. 

- Осветлувањето ќе почне од кракот на патот што се дели од регионалниот пат Дебар-Маврово, кај бензинската пумпа „Прима петрол компани“ се до месноста викана Удово, односно местото каде што се спојува со кракот на регионалниот пат Дебар-Струга, истакна Пачуку, според кого за оваа намена ќе бидат инвестирани 23 илјади евра.

Патот покрај Дебарско Езеро, кој е изграден пред повеќе од една деценија е во должина од два и пол километри.