Партијата на Меркел со два отсто предност пред социјалдемократите

Блокот германски сестрински централно десничарски партии ЦДУ/ЦСУ водат во анкетите пред нивните владини коалициони партии од Социјал Демократската партија (СПД) покажува последната анкета на институтот за истражување на јавното мислење „Форшунггрупе вален“ која е спроведена на барање на националниот јавен сервис ЦДФ, јавува дописникот на МИА од Берлин.

Според анкетата, спроведена од 7 до 9 март во која учествувале 1212 испитаници, 34 отсто од граѓаните ги поддржуваат политиките на ЦДУ/ЦСУ, додека 2 проценти помалку, односно 32 проценти од гласачите својот глас на идните изброи ќе го дадат на СПД. Трета најпопуларна партија во земјата е крајно десничарската антиисламска и антимигрантска партија „Алтернатива за Германија“.

Неколку други претходни истражувања на јавното мислење покажаа предност на СПД пред конзервативниот блок предводен од канцеларката Меркел или изедначен рејтиннг меѓу двете најголеми политички партиии.

Германските сојузни парламентарни избори се закажани за 24 септември.