Свет
31. July 2016 - 9:22

Парламентот во Тунис изгласа недоверба на премиерот Хабиб Есид

На премиерот на Тунис Хабиб Есид синоќа му беше изгласана недоверба во парламентот по само 18 месеци на функција.

Вкупно 118 пратеници гласаа против Есид, тројца беа да остане на функција додека 27 беа воздржани.

Владата на Есид беше во голема мерка критикувана поради тоа што не успеа да ја реши економската криза во државата, серијата напади на џихадисти и поради високата стапка на невработеност. Есид беше под голем притисок откако претседателот Бежи Каид Есебси упати критики до владата и предложи формирање нова влада на национално единство.