Пари на пари одат: Меланија Трамп ќе добие 150 милиони долари отштета

Британскиот проториевски таблоид „Дејли Мејл“ се согласи да и исплати 150 милиони долари, како отштета , на американската прва дама, Меланија Трамп, за објавување на текстот дека како млада, работела и како „ескорт дама“.

Спогодбата е постигната пред лондонскиот Виш суд, каде адвокатите на Меланија поднесоа тужба во февруари оваа година.

Во текстот, што „Дејли Мејл“ го имаше преземено од еден словенечки забавен неделник, се вели дека Меланија како млада, додека  во Њујорк работела како фото модел, во одредени делови од денот била ангажирана и како „ескорт“дама- придружничка на мажи.

Лондонскиот весник, подоцна се извини за текстот и го тргна од својата документација на интернет.

Текстот се појави во текот на предизборната кампања на нејзиниот сопруг, сега претседател на САД, Доналд Трамп.

Некои лондонски медиуми, откриваат дека спогодбата пред судот, првично, вредела три милиони долари, заедно со судските трошоци.

Извори за кои се тврди дека се блиски до спорот, тврдат дека целата судска парница била покрената за да се искористи како „уникатна можност“ за промовирање на Меланија, како „бренд“ за подолго време, сега како „права дама“ на САД, има можност да биде најфотографираната жена во светот.

Критичарита на Трамп и неговото семејство во САД, покренале прашање за тоа дали Меланија Трамп има намера да прави бизнис од позицијата што ја има сега и ќе ја има (барем) до јануари 2021 година.