Папата Франциско пристигна во САД
Поглаварот на Римокатоличката црква, папата Франциско синоќа допатува во американската воена база Ендрјус во близината на Вашингтон, во прва посета на САД.
На аеродромот, папата го пречека американскиот претседател Барак Обама со сопругата и со двете ќерки. На пречекот беше и потпретседателот Џо Бајден и неговата сопруга, што се оценува како исклучителен гест на Белата куќа кон поглаварот на Светата столица.
Во американскиот државен протокол мошне ретко се случува американскиот претседател да пречека некој странски гостин на аеродромот, будејќи тоа редовно се прави пред Белата куќа во Вашингтон.
По кусиот разговор со претседателот Обама, папата Франциско беше бурно поздравен од гостите на аеродромот во базата Ендријус, свечената гарда, поголема група ученици и верници, како и водството на Католичката црква во САД.
Официјалната средба меѓу папата и американскиот претседател ќе се одржи денеска во Овалниот кабинет на Белата куќа.
Во САД папата престојува како духовен водач на католичкиот свет, но се очекува со претседателот Обама да разговара за повеќе актуелни политички прашања во светот, како и за климатските промени.
Во рамките на посетата, папата ќе зборува во американскиот Конгрес, ќе одржи религиозни миси, а ќе ги посети и Њујорк и Филаделфија.
За неговата посета во американскиот главен град и секаде каде папата ќе престојува се предвидени ригорозни мерки за безбедност, особено поради практиката на папата да се среќава и ракува со многу луѓе.
Секаде каде ќе престојува ќе има забрана за летање, а голем дел од Филаделфија практично ќе биде затворен, кога папата ќе престојува во градот, кој е родното место на американската независност.
За време на престојот на папата Франциско во главниот град на САД, вВработените во федералната админстрација се известени да работат од дома, каде е тоа можно, .
Медиумите ја прогласуваат посетата на папата како историска и откриваат дека тој прв пат во својот живот престојува во САД.
Ново на Сител
-
Силно невреме ја зафати Хрватска | ВИДЕО
-
Скопјани нападнале и ограбиле маж на Камени мост
-
52 годишен скопјанец со пиштол и нож ограбил продавница, при бегање паднал и завршил во болница
-
Кривична пријава за родители од Штип - Ги заклучиле децата во автомобил и отишле во казино
-
Полицаец и германски политичар избодени со нож сред плоштад во Мајнхајм, Германија | ВИДЕО
-
Пад од 1,2 проценти на индустриското производство во април
-
Поскапени поштенските и курирските услуги
-
Хоспитализирани нови четири лица со голема кашлица, вкупно 661 случај во државава