Папата Францис ја започна посетата на Куба
Поглаварот на Римокатоличката црква, папата Франциско, синоќа допатува во кубанскиот главен град Хавана, со што официјални ја започна тридневната посета на Куба.
По пристигнувањето на хаванскиот аеродром, папата го поздрави подобрувањето на односите меѓу Куба и Ватикан и ги охрабри кубанските власти да продолжат со давањето слобода на Црквата „да ја извршува нејзината мисија“.
Понтифот при тоа ги повика Куба и САД да продолжат со затоплувањето на односите и да преставуваат пример за слични ситуации во светот.
- Веќе неколку месеци сме сведоци на порака што не исполнува со надеж за нормализација на односите. Ги повикувам политичките лидери да продолжат по тој пат и да бидат пример за помирување за целиот свет, нагласи папата.
Кубанскиот претседател Раул Кастро, кој го пречека папата на аеродормот „Хозе Марти“, му се заблагодари за неговата улога во поттикнувањето на САД за подобрување на односите со Куба, по повеќе од половина век непријателство.
Според најавите од Ватикан, за време на оваа трета посета на еден папа на Куба, можно е Францис да се сретне и со поранешниот кубански лидер Фидел Кастро.
Од Куба папата во вторник ќе замине во повеќедневна посета на САД, каде ќе престојува во Вашингтон, Њујорк и Филаделфија. Францис при тоа ќе биде првиот папа во историјата што ќе се обрати во американскиот Конгрес, а ќе одржи говор и во Генералното собрание на ОН.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ