Пангалос ќе ја тужи Грција за намалување на неговата пензија
Поранешниот грчки министер за надворешни работи Теодорос Пангалос планира да се обрати до грчки и меѓународен суд поради намалување на неговата пензија за време на власта предводена од Алексис Ципрас.
Во интервју за радио „Вима“, Пангалос изјави дека од доаѓањето на власт на Сириза, па се досега, неговата пензија е намалена на една четвртина од првичната вредност, објави „Прото тема“.
Кога Ципрас дошол на власт, Пангалос земал пензија од 1.600 евра, а овој месец таа е намалена на 382 евра.
Како што јави дописникот на МИА од Атина, Пангалос, кој по професија е правник, истакна дека планира да се обрати до свои колеги, кои ќе го проверат случајот и ќе го предадат на грчки суд и Европскиот суд за човекови права во Стразбур.
Пангалос е висок функционер во ПАСОК, долгогодишен пратеник во грчкиот Парламент, а бил и на чело на различни министерства.
Намалувањето на приходите на пензионерите во Грција се реализира во согласност со условите договорени меѓу грчката Влада и меѓународните кредитори за третиот спасувачки пакет финансиска помош.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат