Панел - дискусија посветена на аутизмот во Кисела Вода
Вчера се организираше панел - дискусија посветена на аутизмот, на која се обратија педијатарот и детски невролог проф.д-р. Аспазија Софијанова, проф. д-р. Оливер Бакрески, претставник од Катедрата за дефектологија проф д-р Владимир Трајковски и претставник од „Гаспар” центар за психофизичко здравје, м-р Филип Гаспар. Вечерта беа поделени и антифони - алатка која ретко се споменува но има огромно смирувачко дејство и олеснување.
Како што изјави градоначалникот, овие антифони се целосна донација од него и неговиот тим.
- Тивко, но моќно. Во светот на децата со аутизам, тишината понекогаш зборува најгласно. Антифоните – алатка што ретко се спомнува, но носи огромно олеснување – стануваат мост до сензорен мир и спокој за многу мали срца кои се борат со светот што понекогаш е премногу гласен. Овие антифони кои вечерва беа поделени на дечињата со аутизам, се донација од мене и мојот тим.
На вечерашната панел- дискусија посветена на аутизмот, се обратија педијатарот и детски невролог проф.д-р. Аспазија Софијанова, деканот проф. д-р. Оливер Бакрески, претставник од Катедрата за дефектологија проф д-р Владимир Трајковски и претставник од ,,Гаспар” центар за психофизичко здравје, м-р Филип Гаспар за што сакам искрено и од срце да им се заблагодарам! Почитувани, ова е месец во кој не само што зборуваме повеќе за оваа состојба, туку и се потсетуваме на она што навистина значи заедништво, поддршка и разбирање.
Светот на аутизмот не е тивок, туку богат – исполнет со посебни перспективи, со уникатни дарби, и со еден поинаков ритам што нè учи да гледаме подлабоко, а не површно.
Различностите не нè делат – тие нè збогатуваат. А кога ја прифаќаме различноста како вредност, ние градиме посилно, похумано и поисполнето општество.
Целта е јасна - да ја зголемиме свесноста за аутизмот и да презентираме конкретни алатки кои може да помогнат во секојдневниот живот на децата и нивните семејства. Сакам да испратам една јасна порака до сите родители: вие не сте сами!
Ние сме тука – како општина, како заедница, како луѓе што веруваат дека секое дете заслужува простор да расте, да се развива и да блесне. - истакна Ѓорѓиевски.
Општина Кисела Вода
Ново на Сител
-
Трамп: Иран мора да се откаже од нуклеарното оружје или да се соочи со воен одговор
-
Унгарскиот парламент усвои уставен амандман за забрана на јавните ЛГБТКју+ активности
-
Премиерот Мицкоски се сретна со претседателот на ОАЕ шеикот Мухамед Бин Зајед Ал-Нахјан
-
Калас: Западниот Балкан е во Европа и местото му е во ЕУ
-
Со последните напади Русија јасно покажа дека не сака мир, порача Калас
-
Намален бројот на населението во Јапонија, за една година 550.000 луѓе помалку
-
Трамп ги обвини Бајден и Зеленски за војната во Украина
-
На ГП Табановце викендов влез и излез оствариле скоро 37 000 македонски државјани