Палестинец прободе со нож израелски граничар, по што беше убиен

Палестинец нападна денеска со нож и лесно повреди израелски граничар во Хеброн, во јужниот дел на Западниот Брег, по што беше убиен, изјави порпаролот на израелската полиција.

Нападот бил извршен во близина на Гробницата на патријарсите (Џамијата на Ибрахим), свето место и за Евреите и за муслиманите во Стариот град на Хеброн.

Изминатите недели повеќе Палестинци напаѓаа израелски војници, полицајци и цивили на таа локација.