Палестинците го повикаа Генералното собрание на ООН да поддржи создавање на палестинска држава
Палестинците го повикаа Генералното собрание на ООН да гласа за резолуција која повикува на повлекување на Израел од окупираните територии во рок од 12 месеци, јави ДПА.
Овој предлог предизвика гнев од страна на Израел, кој го нарече „маскарада“. „Ве молам, застанете на вистинската страна на историјата, на страната на меѓународното право, на слободата, на мирот.
Алтернативата е она што го гледате секој ден на телевизиските екрани, и тоа што палестинскиот народ го трпи на својот грб“, изјави палестинскиот претставник во ООН, Ријад Мансур, во Њујорк.
Резолуцијата има цел да го зголеми притисокот врз Израел преку Генералното собрание на ООН да се повлече од окупираните територии. Гласањето за предлогот се очекува во текот на денешниот ден.
Израелскиот амбасадор Дани Данон ја нарече иницијативата „маскарада“.
Тој го критикуваше фактот што меѓународната заедница не го осуди теророт од страна на „Хамас“ по нападот на 7 октомври минатата година.
– Како се осмелувате да продолжите со еднострани резолуции против Израел, без да размислите за страдањето на израелскиот народ? рече Данон.
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово