Овчар од струшко силувал Холанѓанка

Вчера во 20.30 часот во Полициско одделение Велешта било пријавено дека бил извршен полов напад врз К.С.К. (55) од Кралство Холандија.

Истиот ден околу 14.30 часот во атар на с.Вевчани, додека оштетената сликала стадо овци, овчарот и се доближил и побарал тој да ја слика заедно со стадото.

Откако ја сликал, К.С.К. се поздравила со овчарот и тргнала кон своето возило. Во тој момент лицето со употреба на физичка сила ја турнало на земја, легнало врз неа и почнало да ја допира по интимните делови од телото.

Сторителот и се заканил со нож да не дава отпор и продолжил во намерата. Во еден момент оштетената успеала да се оттргне од него и се упатила кон возилото. Сторителот тргнал по неа, ја отворил вратата од совозачката страна и од нејзината чанта извадил паричник од кој одзел околу 2.000 денари, по што заминал во непознат правец.

По преземени мерки добиени се сознанија дека се работи за лицето А.А. (29) од с.Подгорци, струшко.

Се преземаат мерки за пронаоѓање на сторителот и за целосно расчистување на случајот.