Ова е еден од убијците на Данка, со киселина се обиделе да ги прикријат трагите од крв
С.Ј. (50) од Злот е уапсен откако признал дека со колега ја убиле Данка Илиќ (2) со службено возило, а потоа нејзиното тело го фрлиле на дива депонија.
Како што пишува „Блиц“, во автомобилот биле пронајдени траги од крв, по што била извршена ДНК анализа и потврден е идентитетот на исчезнатата Данка Илиќ.
Според планот за работа на компанијата, се знаело кој управувал со автомобилот во критичното време а со проверка на базните станици се потврдило. Осомничените се приведени и веднаш го признале убиството - вели изворот на „Блиц“.
Како што објави Информер, двајцата работници кои тој ден го должеле автомобил и работеле во Бањско поле, возеле брзо и удриле девојче кое очигледно залутало надвор од дворот.
- Таа стоела на сред сред пат, со полна брзина налетале на неа. Излегле надвор, наместо да и помогнат, ја ставиле во багажникот. Го однеле детето до депонијата и го фрлиле таму. Прво го затрупале со ѓубре, за да не се забележи, а потоа отишле и се договориле темелно да го исчистат автомобилот со киселина и хемиски средства за да се отстранат трагите од крв. Само со форензичка анализа и употреба на специјални светилки утврдиле траги од крв. Подоцна било утврдено дека крвта е на Данка, пишува Информер.
Наводно тие во неколку наврати се враќале на депонијата за дополнително да го закопаат телото.
Веста дека е убиена Данка Илиќ ја потврди и претседателот на Србија, Александар Вучиќ.
Ново на Сител
-
Грчката полиција уапси навивачи вмешани во трговија со дрога
-
Шведски тим од волонтери почна програма за поддршка по трагедијата во клубот „Пулс“ во Кочани
-
Ребалансот на буџетот на владина седница најверојатно во четврток
-
Поскапуваат бензините и дизелот, ова се новите цени
-
Израел со нови воздушни напади врз Иран
-
Авион на „Луфтханза“ на пат кон Индија се вратил во Франкфурт поради закана за бомба
-
ИДФ: Имаме целосна воздушна контрола над Техеран
-
Рано е да се каже дали воениот конфликт меѓу Иран и Израел ќе предизвика ценовен шок, смета бизнисот