Отворена детска градинка во кочанско Оризари
Дополнителниот заменик министер за труд и социјални работи, Диме Спасов, денеска во кочанската населба Оризари свечено ја отвори детската градинка „Кокичиња“ клон на ЈОУ ДГ „Павлина Вељанова“ од Кочани.
Станува збор за објект во кој Министерството за труд и социјална политика заедно со општина Кочани вложи три милиони денари.
- Барањата на жителите на Оризари, поголема населба од над 4 500 жители, за отворање на ваков објект датираат од поодамна. Еве сега ја реализиравме нивната желба. Во момоментот овде се згрижени 33 деца, а капацитетот е за педесет. Верувам дека овој објект навистина ќе им помогне на сите родители што имаат деца на таа возраст и оти ќе одат на работа безгрижно, затоа што децата веќе се соодветно сместени, изјави дополнителниот заменик министер, Диме Спасов.
На отворањето на „Кокичиња“ денеска во Оризари, присуствуваше и кочанскиот градоначалник Ратко Димитровски, кој рече дека најпрво селото Бели, а сега и Оризари доби детска градинка, а следното населено место во Општината што ќе добие детска градинка е Тркање.
Спасов ја обвини техничката министерка Форосина Ташевска Ременски дека ги кочи проектите за санација на постојните и отворањето на нови детски градинки.
- За жал во изминатите неколку месеци има одредено задоцнување во динамиката на веќе започнатите, меѓутоа и во планираните идни активност за отворање нови детски градинки од страна на техничката министерка. Имало или немало задоцнување во следниите месец-два, после април ќе продолжиме со конкретни активности за значително зголемување на бројот на детски градинки во сите општини во државата. Нашата цел е да им излеземе во пресрет на сите граѓани што тоа го бараат во руралните и во поголемите средини, изјави Спасов.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка