Oткриени неколку илјади мистериозни отвори во Тихиот Океан

Научници од Истражувачкиот институт при аквариумот во Монтереј Беј во Калифорнија открија неколку илјади мистериозни отвори на океанското дно.

Потеклото на откриените објекти не е утврден. Најголемите такви дупки се со ширина од 175 метри и длабочина од пет метри. Забележани се вкупно 5.200 вакви вдлабнатини, пишува порталот Phys.org.

Обично ваквите појави се поврзуваат со емисии на метан и се среќаваат во целиот океан. Стручњаците, сепак, во овие дупки не откриле траги од метан, што го прави откритието уште поинтересно.

Претпоставките говорат дека тие настанале скоро како процепи поради морските струи.