Откриени 12 килограми марихуана на граничниот премин Блато
На граничниот премин Блато во возило марка „мерцедес“ на албански државјанин откриени се 12 килограми марихуана.
Дрогата е пронајдена вчера кога 33.-годишниот З.Л. околу 13:40 часот се пријавил за влез во Република Македонија. Марихуаната била спакувана во 23 пакувања залепени со најлонска и алуминиумска фолија и облепени со селопејп лента, сместени во левиот и десниот праг од возилото.
Албанскиот државјанин откако видел дека царинскиот службеник го демонтира прагот на возилото, избегал кон територијата на Албанија, но е приведен по еден час потрага која е реализирана во соработка со албанските погранични власти.
По документирањето на целиот случај и прибирањето на сите материјални докази, Царината соопшти дека ќе биде поднесена кривична пријава против З.Л. за кривично дело „неовластено производство и пуштање во промет на наркотични дроги, психотропни супстанции и прекрусори“.
Ново на Сител
-
Тема на денот за придобивките од членството во НАТО
-
Едно лице задржано во полиција по убиството во Тетово
-
Почна посетата на Вашингтон на владината делегација предводена од Мицкоски
-
Фрчковски повикан на консултации во МНР
-
Симовски: Бројките од пописот во Албанија се резултат на интензивна бугарска пропаганда
-
Засилени полициски контроли на најфреквентните места
-
Фестивалски викенд во Кратово „Златни денови 2024”
-
Аутдор фестивал „When in Krusevo“ по 8-ми пат