Македонија
22. November 2019 - 18:46

Отишoл на лов на диви свињи, застрелал двајца другари

На 20.11.2019 околу 17.00 часот во СВР Скопје, од Итна медицинска помош било пријавено дека во Комплекс клиники „Мајка Тереза“ и Градската општа болница „Св.Наум Охридски“ со повреди од огнено оружје биле донесени две лица.

По преземени мерки утврдено е дека станува збор за лицата Н.М.(32) од село Морани, Скопско, и Н.Ф.(44) од село Дејковец, општина Зелениково.

Двајцата повредени, во разговор со полициски службеници, изјавиле дека биле повредени со ловна пушка, од нивниот другар Т.Ш. (34) од село Студеничани, Скопско, околу 15.00 часот во близина на село Дејковец, додека ловеле диви свињи.

Со Т.Ш. бил извршен разговор во полициска станица и по целосно документирање на случајот, против него ќе биде поднесена соодветна пријава, информираат од МВР.