Балкан
15. October 2015 - 13:13

Осум имигранти исчезнаа во Егејско Море

Осум бегалци се водат како исчезнати откако дрвен чамец со кој се движеле кон грчкиот остров Лезбос, се судрил со патролен чамец ангажиран на операција за спасување, по што потонал, соопшти грчката крајбрежна стража.

Инцидентот се случил денеска на половина наутички милји од Лезбос, остров во Егејското Море, кое е главна точка за влез на бегалци на нивниот пат од соседниот турски брег.

Стотина илјади луѓе кои бегаат од војна или сиромаштија досега оваа година преминале од Турција во Грција.