Осомничениот за убиството на Кирк тврди дека е невин – Му се заканува смртна казна

23-годишниот Тајлер Робинсон, обвинет за убиството на конзервативниот активист Чарли Кирк во Јута, се изјасни за невин по обвинението за тешко убиство. Судот одлучи дека Робинсон ќе оди на судење, а обвинителството ќе може да бара смртна казна.

Обвинителството тврди дека Робинсон минатата година испукал еден истрел кон Кирк за време на една од неговите препознатливи дебати на универзитетски кампус, при што 31-годишниот активист бил убиен. Како доказ е презентирана и ДНК-анализата, според која неговата ДНК била пронајдена на оружјето. Одбраната, пак, ја оспорува веродостојноста на овој наод и тврди дека пукањето не загрозило други лица.

Обвинителите сметаат дека зад нападот стоел политички мотив, поврзан со ставовите на Кирк за истополовите бракови и трансродовите права. Тие се повикуваат и на порака во која Робинсон наводно признал дека пукал затоа што „некои видови омраза не можат да се решат преку преговори“. Одбраната тврди дека значењето на пораката не е јасно.

Кирк беше коосновач на Turning Point USA и познат поддржувач на Доналд Трамп.