Османи: Со швајцарски искуства до ефикасна примена на законот за јазиците
Заменик претседателот на Владата задолжен за европски прашања, Бујар Османи, денеска имаше средба со заменик државниот секретар во Министерството за надворешни работи на Швајцарија, Кристина Марти Ланг.
На средбата се разговараше за билатералната соработка меѓу двете земји, особено континуираната финансиска поддршка од страна на Швајцарија, како една од првите и најдолгорочните земји донатори во развојот и напредокот на Република Македонија, соопшти СЕП.
- Швајцарија претставува една од најважните земји – пријатели на Македонија, чија финансиска поддршка датира уште од 1992 година, додека политичката поддршка, веројатно уште порано, истакна Османи на средбата, пренесувајќи ја притоа, покрај личната, и благодарноста од страна на Владата за искрената и континуирана поддршка.
Османи укажал дека покрај поддршката, Швајцарија претставува и значајна политичка и општествена инспирација за Република Македонија, како позитивен пример за функционално мултикултурното општество, додавајќи дека швајцарските искуствата во организацијата и примената на мултијазичното општество ќе претставуваат значаен инпут за поефикасна имплементација и на новиот закон за употреба на јазиците во Република Македонија.
Вицепремиерот Османи ги пренесе и впечатоците на Владата од новата Стратегијата на Европската Комисија за проширување со земјите од Западниот Балкан до 2025 година.
- Добивме прецизна валоризација на напредокот во приближувањето кон Европската Унија, што ќе претставува значаен поттик за одржување на фокусот на државата кон европската и евроатланската перспектива, истакна Османи. Додаде дека Стратегијата претставува еден од клучните документи со кои се зацврсти европската ориентација на целиот регион на Западниот Балкан, нешто што се очекува буквално да биде зацементирано на историскиот Самит за проширување, во Софија во мај, се вели во соопштението од СЕП.
Ново на Сител
-
Мажите мора да служат војска | Димитар Атанасовски | Лабави муабети | Sitel Podcast 44
-
Уапсен штипјанец кој ја нападнал сопругата со која се разведува
-
Приведен штипјанец по пријава дека физички ја нападнал сопругата
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите