Османи - Коблер: Соработка во спроведувањето на реформите за евроинтеграцијата
Вицепремиерот за европски прашања Бујар Османи денеска се сретна со австриската амбасадорка Ренате Коблер која ја информираше за приоритетите на кои ќе работи новата Влада во претстојниот период во однос на ЕУ интеграцијата.
- Уверен сум дека во наредните месеци ќе имаме одлична и блиска соработка во спроведувањето на сите неопходни реформи поврзани со процесот на интеграција во ЕУ, истакнал вицепремиерот Османи, додавајќи дека Австрија останува да биде еден од најзначајните партнери и силен поддржувач на политиката на проширување и членство на земјите од Западен Балкан.
Од Кабинетот на вицепремиерот информираат дека тој потенцирал оти останува фокусот на исполнување на обврските коишто произлегуваат од Итните реформски приоритети и Договорот од Пржино. Вицепремиерот Османи изразил надеж дека очекуваните резултати ќе се постигнат преку обезбедување одржлив пристап во спроведувањето на клучните реформски активности и на тој начин би се отстранила условеноста на препораката од последниот извештај на ЕК за земјата.
Двајцата соговорници се согласиле дека не очекува период на интензивна работа со цел државата побрзо да се врати на патот кон ЕУ.
Ново на Сител
-
Андоновска: Четворица вработени од Зоолошката градина ќе бидат ставени под здравствен надзор, а еден од нив утре ќе биде тестиран за птичји грип
-
Утре нова промена на цените на горивата
-
За неколку минути од Либан лансирани приближно 70 проектили кон Израел
-
Третпат снема струја на Куба
-
АХВ: ЗОО Скопје иако детектирало угинато животно, не постапила по законски процедури
-
Тешка сообраќајна несреќа во Охрид: Младо момче тешко повредено
-
На ГП Деве Баир лишен од слобода турски државјанин, покажал две фалсификувани зелени карти
-
Прекинато водоснабдување во делови на Центар