Оркански ветрови во Далмација, бранови до шест метри

Оркански ветрови во централното далматинско подрачје предизвикаа бранови на отворено море со височина и до шест метри, додека во крајбрежниот дел тие биле меѓу два и три метри.

Метеоролошка станица регистрирала многу силни удари на ветрот во подрачјето на Сплит во текот на неколку часа, соопшти сплитскиот Хидрометеоролошки завод.

Поради лошите временски услови во прекин се повеќе траектни линии на Јадранското Море, соопшти утрово Хрватскиот автоклуб.