Општина Новаци го одбележа Европскиот ден на соработката
Општина Новаци, корисник на средства од Интерег Програмата за прекугранична соработка Македонија-Грција 2017-2020, во соработка со Агенцијата за поттикнување на развојот на земјоделството-АПРЗ, го одбележаа Европскиот ден на соработката.
Двата македонски партнера во соработка со три организации од соседна Грција го реализираат проектот „Одржливо менаџирање на агро отпадот за загревање на руралните области“.
- Ученици од ЦОУ „Славко Лумбарковски“-Новаци, денеска во градскиот парк кај Саат кулата Битола твореа и цртаа разни симболи на Европска унија. Настанот кој заеднички го организиравме беше едукативен, забавен, креативен и инклузивен. Европскиот ден на соработката ги посочува достигнувањата постигнати преку територијалната соработка на илјадници луѓе секога година. На овој начин се зголемува видливоста и се подигнува јавната свест за Интерег ИПА прекуграничната соработка, транснационалните и интернационалната соработка и нивните проекти, истакна Катерина Чукалевска, соработник за алтернативен туризам и занаетчиство во општина Новаци.
Во одбележувањето на Европскиот ден на соработка организирани се околу 170 локални настани, 50 програми за соработка од околу 35 до 40 држави од Европа.
Со овој проект, општина Новаци ќе набави механизација за чистење на речните канали и корита, а вегетацијата која ќе се собира, ќе се суши и ќе се користи за загревање на градинката „Бамби“ во Новаци“.
Ново на Сител
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи