Општина Кисела Вода гради водоводна мрежа во Три круши

Општина Кисела Вода ја почна втората фаза од изградбата на водоводна мрежа во месноста Три круши, во село Драчево.

Екипите на фирмата „Енергомонт“ работат на поставување на доводен цевковод во должина од 584 метри кој ќе почнува од улицата „Партизански пат“ и ќе завршува во Три круши.

Според проектот изработен од фирмата „Инпума“, водоводната мрежа во самата месност Три круши, изградена од полиетиленски цевки ќе биде со должина од 420 метри.

За реализацијата на втората фаза од водоводот во месноста Три круши, ако дозволат временските услови, треба да заврши до крајот на летото. Општина Кисела Вода од својот буџет издвои 7,5 милиони денари.