Општина Ѓорче Петров го враќа некогашното корзо
Општина Ѓорче Петров објави конкурс за избор на идејно решение за шеталиштето во реонскиот парк „Ѓорче Петров“ за дизајнирање четири типски монтажни објекти, за дизајн на урбана опрема (улични светилки и канделабри), за дизајн на клупи, корпи за отпадоци и заштитни столбчиња.
Како што соопштија од општината, проектната програма е поделена во две групи од по два дела, при што заинтересираните субјекти може да учествуваат со по еден труд за секој од деловите на конкурсот.
- Со проектот, некогашното корзо во Ѓорче Петров ќе им се врати на жителите од овој дел на Скопје, односно зад супермаркетот „Тинекс“ е предвидена мала чаршија со занаетчиски дуќани и кафетерии и амфитеатрална бина на потегот кон улицата „Ѓорче Петров“. Архитектите треба да обрнат посебно внимание на сочувување на постоечките дрвени насади во овој парк, наведуваат од општината.
Краен рок за предавање на идејни решенија е 13. април. Жирито ќе додели три награди (прва награда – 61.500 денари нето сума, втора награда – 40.000 денари нето сума, трета награда – 20.000 денари нето сума) и ќе откупи три идејни решенија (по 7.000 денари нето сума). Идејните решенија треба да се одликуваат со функционалност и применливост. Дополнителни информации за конкурсот може да најдете на веб страната на општина Ѓорче Петров.
Ново на Сител
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово