Општина Аеродром ќе ги исплаќа парите за првооделенците, новороденчињата и за купените велосипеди

Општина Аеродром ги информира граѓаните што аплицираа за субвенции за велосипеди, како и за парична помош за првачиња и новороденчиња дека средствата ќе им бидат исплатени веднаш по конечното завршување на локалните избори.

Граѓаните чии барања се прифатени на последниот јавен повик за субвенции за велосипеди ќе добијат поврат на средствата во износ од 50 отсто од вредноста на велосипедот, но не повеќе од 3 000 денари, со вклучен персонален данок на доход.

Исто така, по конечното завршување на локалните избори, ќе им бидат исплатени по 8 000 денари на оние родители што поднеле барање за новороденчиња, како и по 3 500 денари за првачиња.