Опожарена куќа на улица ,,Првомајска” во Делчево

Брзата реакција на Територијалната противпожарна единица од Делчево спречи пожар од поголеми размери во Делчево откако од експлозија на плинска боца изгоре една соба од станбено живеалиште на улица ,,Првомајска”. ТППЕ Делчево според информациите на дежурните пожарникари дојавата ја примило во 19:20 часот.

-Во гaснењето на пожарот учествуваа три возила и шест пожарникари при што пожарот беше навреме изгаснат, а со тоа и оневозможен да се прошири на останатиот дел од куќата, како и на околните објекти, информираат од противпожарната служба.