ОПЕК ја зголеми проценката за продажба на електрични автомобили
Организацијата на државите извозници на нафта (ОПЕК) ја зголеми за петпати долгорочната проценка за продажба на електрични и плаг-ин хибридни автомобили во светот, а истото го сторија и „Ексон“ и БП, со што според американски медиуми, нафтените компании се сериозно под закана.
Блумберг пренесува дека во ОПЕК лани верувале оти до 2040 година на пазарите во светот ќе има 46 милиони електомобили, а сега се уверени дека таа бројка ќе биде дури 266 милиони.
„Ексон Мобил“ својата проценка ја ревидира од 65 милиони на 100 милиони електрични возила до 2040 година, додека БП своите очекувања ги подигна за 40 отсто на 100 милиони електрични автомобили до 2035 година.
Аналитичари укажуваат дека побарувачката на нафта до 2040 година ќе се намали за 8 милиони барели дневно, колку што е количеството што го произведуваат Иран и Ирак заедно.
Производителите на автомобили се поскептични и нивните анализи се дека до 2025 година вкупната продажба ќе биде само 6 милиони, односно 8 милиони до 2030 година.
Ново на Сител
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат
-
Април годинава потопол од просечните многугодишни вредности
-
Вембањама прогласен за дебитант на годината во НБА
-
Вечерва ќе се одржи првото полуфинале на Евровизија
-
Јавниот превоз во Скопје утре по неделен возен ред, жичницата нема да работи