Онлајн продавница во Грција казнета со 120.000 евра поради измами на потрошувачите
Онлајн продавница во Грција, која не ги доставувала нарачките, не им ги враќала парите на потрошувачите по откажана нарачка, но и која била недостапна за контакт, е казнета со 120.000 евра и е привремено затворена со цел заштита на потрошувачите, соопштија од Министерството за развој, јави дописничката на МИА од Атина.
По спроведената детална контрола од Генералниот директорат за пазар и заштита на потрошувачите од Генералниот секретаријат за трговија на Министерството за развој на Грција, биле констатирани сериозни прекршувања на законодавството за потрошувачи.
Нарачките на производите не биле доставувани во договореното време, а за доцнењето потрошувачите не биле информирани; на потрошувачите не им биле вратени парите што ги платиле, а производите никогаш не ги добиле; ги мамеле потрошувачите за достапноста на производите, иако во суштина компанијата не можела да ги исполни нарачките, а исто така била тешка тешка или невозможна комуникацијата на потрошувачите со компанијата.
Министерството за развој на Грција, како што е веќе пракса во вакви случаи со изрекување казни за компании и овој пат јавно го објави името на оналјн продавницата и паралелно ги повика потрошувачите во случај да откријат појави на нефер практики од онлајн бизниси, да поднесат пријава до Секретаријатот заштита на потрошувачи.
Надлежниот министер Костас Скрекас рече дека секој што ќе го прекрши законот ќе се соочи со последици и истакна дека контролите на пазарот ќе продолжат со несмалено темпо.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова