Онлајн-аплицирањето за упис во средно образование завршува утре во 15 часот
Првото пријавување на учениците за упис во прва година во јавните средни училишта за учебната 2023-2024 година ќе заврши утре во 15 часот. Дотогаш ученците може да ги пополнуваат своите пријави (апликации). Потоа системот ќе биде затворен за онлајн-аплицирање од ученици, кое се спроведува преку линк до порталот за електронски услуги на Министерството за образование и наука https://e-uslugi.mon.gov.mk со специјална најава за средношколци преку сопствените кориснички сметки на Schools.mk.
Ранг-листата на запишани ученици ќе биде објавена на 22 јуни 2023 година на https://e-uslugi.mon.gov.mk и на интернет-страницата www.mon.gov.mk најдоцна до 9 часот.
Учениците потоа ќе треба да ја достават потребната документација до училиштата - на 22 јуни од 12 до 19 часот и на 23 јуни од 7 до 19 часот, согласно изготвен распоред од страна на училиштето.
Министерството за образование и наука соопшти дека пријавата за запишување е составен дел од апликацијата која е потребно да се пополни и да се испечати по објавување на ранг-листата.
-Учениците кои се на листата, ја доставуваат потребната документација за запишување до училиштето во утврдените рокови. Пополнетата електронска пријава од страна на учениците може да се генерира со печатење на електронската пријава преку системот за е-услуги. Истата може да се повлече преку порталот за е-услуги на МОН, преку печатење со сивото копче печати во сегментот Мои апликации на порталот - по отворање на електронската пријава на ученикот, информираше МОН.
Конечната ранг-листа за секое училиште со резултатите од запишувањето и слободните места ќе бидат објавени на 24 јуни најдоцна до 12 часот на огласната табла на училиштето и на www.mon.gov.mk.
Второто пријавување на учениците овој месец е 27-28 јуни, ранг-листата на запишани ученици се објавува на 29 јуни, на 29 и 30 јуни е доставувањето на потребената документација до училиштата и на 1 јули 2023 е објавување на конечната ранг-листа за секое училиште со резултатите од запишувањето и слободните места.
Ново на Сител
-
Се уште наизменично движење на автомобили во двата правца кај „Блаце“ и забрана за камиони
-
Ѓорѓиевски: Програмата ќе ја подготвиме заедно со граѓаните, очекувам поддршка од сите политички партии
-
Предлог притвор за лице осомничено за одземање автомобил и тешка кражба во Скопје
-
Ангелов: Нема опасност за жителите од пожарот над Чучер, да не се шири паника
-
Приведено лице кое пукало кон полицајци во битолско
-
МВР: Поради пожар целосно прекинат сообраќајот кон Граничниот премин Блаце
-
Муцунски - Велдкамп: Холандија е меѓу најголемите билатерални донатори во клучни области за земјава
-
М-НАВ: Преземаме чекори за доекипирање со кадри, примена на нови технологии, замена на старата опрема и реорганизација