Олимпија и Цедевита ја прекинаа победничката низа на гостинските екипи во АБА лигата

 

 

 

Екипите на Унион Олимпија и Цедевита забележаа победи против Игокеа и Сутјеска, во регионалната кошаркарска АБА лига.

 

На дуелите од 15.коло, одиграни синоќа, домашните тимови со победите ја прекина доминацијата на гостите, кои во саботните натпревари славеа триумфи на сите четири меча.

 

Во Љубљана, Олимпија ја совлада Игокеа со 79:63, а во Загреб Цедевита ја победи Стујеска со 73:50. 

 

На натпревари каде победи остварија гостинските екипи беа постигнати овие резултати: Металац Фармаком - МЗТ Скопје Аеродром 68:-77, Партизан - Мега 78:85, Тајфун - Цибона 52:74 и Задар - Крка 67:74.

 

Со дербито кое на програмата е вечерва во Подгорица од 21 часот, а во кое ќе играат Будуќност и Црвена Звезда, ќе биде заокружено 15.коло во АБА лигата. 

 

Табела: Цедевита 12-3 (победи-порази),  Будуќност 12-2, Црвена Звезда 11-3, Мега 10-5, Задар 7-8, Тајфун 7-8, Крка 7-8, МЗТ Скопје 6-9, У. Олимпија 6-9, Партизан 6-9, Цибона 6-9, Игокеа 5-10,  Металац 5-10 и Сутјеска 4-11