Оланд ги осуди инцидентите на парискиот Плоштад на Републиката

Францускиот претседател Франсоа Оланд и премиерот Мануел Валс остро ги осудија инцидентите кои избувнаа вчера попладнето на парискиот Плоштад на Републиката меѓу силите на редот и демонстрантите, јави дописникот на МИА од Париз.

Во инцидентите беше оштетен импровизираниот меморијал на жртвите од терористичките напади.

- Ние знаевме дека имаше елементи кои сакаат да го нарушат редот, кои немаат никаква врска со бранителите на природата или тие кои сакаат конференцијата за климата КОП21 да успее, тие се тука само да создадат инциденти, изјави Франсоа Оланд.

За време на инцидентите, демонстрантите користеа свеќи поставени пред споменикот во сеќавање на жртвите, кои ги фрлаа врз силите на редот.

Полицијата уапсу 289 лица од кои изутринава се во притвор 174.