ОЈО поднесе обвинение против 39-годишна скопјанка за недозволено поседување хероин

Обвинетата на возраст од 39 години, во домот во кој престојувала на улица „Никола Тесла“ во Скопје, неовластено заради продажба држела наркотична дрога хероин со вкупна нето маса од 22,68 грама, спакувана во повеќе различни пакувања. Дрогата била пронајдена на 22 септември, при претрес на нејзиниот дом.

Надлежниот јавен обвинител до Основниот кривичен суд Скопје достави и предлог за продолжување на претходно определената мерка куќен притвор за обвинетата, со образложение дека се уште постојат законските основи –  реална опасност таа да се даде во бегство или да го повтори кривичното дело што и се става на товар.