ОИ Рио: Франција со многу мака го совлада Тунис

 

 Бранителот на олимпиското злато од Лондон, селекцијата на Франција со многу мака стигна до првата победа на ОИ во Рио, на машиот ракометен турнир. 

 

„Триколорите“ во меч од 1.коло на групата А ја совладаа селекцијата на Тунис со 25-23. Најефикасен во редовите на Франција со шест постигнати гола беше Кентин Махе додека Никола Карабатиќ и Валентин Порте постигнаа по четири гола. 

 

Во останатите два меча од оваа група, Данса очекувано ја победи Аргентина со 25-19, додека актуелниот светски вицепрвак Катар убедливо со 30-23 ја победи Хрватска. 

 

Во групата Б, европскиот шампион Германија ја совлада Шведска со 32-29, неочекувано домаќинот Бразил беше подобар од Полска со 34-32, а Словенија минимално со 27-26 се радуваше на триумф во дуелот со Египет.