Охриѓанка пазарела со фалсификувани пари

Дваесетгодишната охриѓанка Е.М. доби кривична пријава од СВР Охрид поради основано сомнение дека сторила четири кривични дела „фалсификување пари“.
Како што соопшти МВР, пријавената, во периодот од 28 април до 17 мај годинава, со цел да се стекне со противправна имотна корист, на подрачјето на Охрид пуштила во промет четири лажни банкноти од по 500 денари со ист сериски број. Иако знаела дека банкнотите се фалсификувани односно дека се лажни пари Е.М. две од банкнотите пуштила во промет во продавница во населбата Пештани, а по една во ноќен клуб и бурекџилница во Охрид и на тој начин, се стекнала со противправна имотна корист од 2.000 денари.
На 14 мај годинава околу 21,45 часот, пријавената од вработениот во продавницата во Пештани побарала двете банкноти од по 500 денари да и бидат заменети за една од 1.000 денари. Продавачот кој ја извршил услугата подоцна забележал дека двете банкноти имаат сомнителен квалитет и дека имаат ист сериски број.
Фалсификуваните пари се одземени и испратени на вештачење во Министерството за внатрешни работи во Скопје.
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
