Македонија
9. July 2019 - 9:54

Огромно мнозинство Германци поддржуваат помош при еутаназија

Две третини од Германците би поддрѓале легелизација на активната помош при еутаназија, се наведува во истражувањето на Институтот You Gov, што беше објванео во петокот.

Според истражувањето, 67 отстио од испитаниците би поддржале активна помош при суицид за неизлечливите болести, 17 отсто се против, а 16 отсто немаат никакво мислење за темата.

Поголем процент од испитаниците на истокот од Германија (72 отсто) поддржуваат активна помош при самоубиство отколку во западниот дел од земјата (65 отсто). Исто така, процентот на оние кои поддржуваат помош при суицид е поголем колку испитаниците се постари.

Законски статус на еутаназијата во Германија

Во Германија е забранета активната помош при самоубиство. Секој еден кој ќе убие некое лице на негово барање, може да биде осуден на затворска казна до пет години.

Пасивната помош при самоубиство со исклучување на апарати за оддржување во живот или со давање на лекови кои ја намалуваат болката, но неминовно водат кон смрт, е дозволена само во одделни случаи. Дозволена е и подготовка на препарати што водат до смрт и кои пациентот самиот ги зема.
 
Минатата недела Врховниот суд на Германија донесе одлука според која лекарот се ослободува од обврската за реанимација на пациентот против негова волја, по обид за самоубиство.
 
Двајца лекари, во Берлин и Хамбург, надгледувале двајца пациенти кои доброволно земале смртоносен препарат. Притоа не презеле мерки со кои пациентите би ги вратиле во живот, по што против нив беше поднесена тужба за убиство од небрежност.
 
Врховниот суд ја потврди ослободителната пресуда на првостепените судови кои заклучија дека волјата на пациентите за извршување самоубиство била повеќе од јасна.

Популарно од Македонија

Ново на Сител

© 2026 Сител Телевизија