Ограбена трафика на „Партизанска“, вработениот доби бокс

Ноќеска во 02.30 часот во ЕИК Скопје се јавил вработен во трафика на бул.„Партизански Одреди“ и пријавил дека околу 02.10 часот непознат сторител извршил разбојничка кражба.

 

Додека вработениот стоел пред трафиката, сторителот влегол внатре и од касата зел околу 3.000 денари.

 

Вработениот се обидел да го спречи, но сторителот го турнал и го удрил со тупаница во пределот на лицето, по што побегнал.

 

Се преземаат мерки за пронаоѓање на сторителот и за целосно расчистување на случајот.