Одобрен лов на диви свињи како превентива против „африканска чума“
Поради опасност од болеста „африканска чума“, Министерството за земјоделство, шумарство и водостопантсво (МЗШВ) донесе Решение со кое се одобрува отстрел на дивите свињи во земјава.
Како што соопшти ресорниот министер Трајан Димковски, со оваа превентивна мерка почнува и ловната сезона, 60 дена пред рокот утврден со закон.
– Целта е да се намали бројот на диви свињи со што би се минимизирале шансите за појава и ширење на болеста која е веќе присутна во Бугарија, рече Димковски.
Информира и дека МЗШВ до Владата ќе предложи усвојување и други мерки, како забрана за населување на дивата свиња во ловиштата согласно развојните програми, но и забрана за нејзино зимско прихранување.
– Апелираме до сите концесионери и ловци крајно сериозно да ја сфатат опасноста од оваа болест и да се приклучат во реализирање на превентивните мерки за заштита, порача претседателот на Ловечката федерација Влатко Алексовски.
Според проценките, во земјава има околу 8.000 диви свињи, рамномерно распространети на целата територија. Последниве 20 години бројот на единки е удвоен. Со дозволеното заловување, нема да се оди на биолошки минимум зашто дивите свињи, како што беше речено на прес-конференцијата, се добро од општ интерес како и останатите видови дивеч.
Се уште не е дефинирано како ќе се реализира организираниот отстрел од страна на ловечките друштва, но веројатно најпрво ќе се почне од граничните појаси со Србија и Бугарија.
Ново на Сител
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден