Одложено последното рочиште од судењето за убиството на струмичанецот чие тело беше пронајдено во браната „Турија“
Последното рочиште од судскиот процес против Марјанчо Велев (54) од струмичкото село Добрејци, кој е обвинет за убиство извршено на 7. мај лани врз струмичанецот Ристо Иљашев, е одложено за 3. февруари заради тоа што обвинетиот не беше спроведен на денешното судење од страна на
затворската полиција од Затворот Скопје.
По чекање од повеќе од 1,30 час судијката Цона Каламерникова ги извести странките дека од Затворот Скопје е информирана оти настанала забуна околу спроведувањето на обвинитетиот и поради тоа од затворот се извинуваат за пропустот.
На денешното рочиште одбраната на обвинетиот Велев требаше да даде завршни зборови, а во наредните денови судијката Каламерникова требаше да ја објави пресудата.
Според обвинението, Марјанчо Велев се товари за убиство извршено на 7. мај лани при што од зад грб пукал со огнено оружје од непосредна близина во главата на Иљашев и потоа неговото тело го фрлил во браната „Турија“, затворено во метално буре.
Инаку, полицијата го сомничи Велев дека е сторител и на уште едно убиство врз шеесет и две годишниот А.М.,извршено на 9. октомври 2018 година, а телото на убиениот затворено во камионски резервоар за гориво беше извадено од браната „Турија“ на 5. август лани. За овој случај ОЈО Струмица се уште нема подигнато обвиние.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово